Ekziston një bashkëpunim i mirë mes gjykatës dhe OSCE-së
24/04/2018
Gjilan - 24.04.2018 - Kryetari i Gjykatës Themelore të Gjilanit Ramiz Azizi, gjatë ditës së sotme ka takuar Këshilltarin për të Drejtat e Njeriut nga OSCE, Cailean Maclean dhe Zyrtarin Ligjor, Burim Blakaj.

Fillimisht Kryetari Azizi, ka vlerësuar lartë kontributin e Misionit të OSCE-së dhe ndihmën e dhënë për Gjykatën Themelore të Gjilanit.

Duke folur për punën e Gjykatës Themelore të Gjilanit, Azizi ka thënë se kjo gjykatë ka qenë model për gjykatat e tjera, në respektimin e të drejtave të njeriut.

Ndërkohë, Maclean ka thënë se OSCE pritet që në të ardhmen të fillojë një projekt për të rinjtë, në mënyrë që të mësojnë më shumë për sistemin e drejtësisë.

Gjithashtu ai ka deklaruar se OSCE është partner i gjykatës dhe do të mbështes edhe në të ardhmen në shumë fusha.